【#沾Sir金融不文史】

貞操帶 vs 信託——男人出征前嘅資產保護智慧

當年歐洲有位君王，獅心王 Richard。你知啦，出征打仗，往往一去就幾年——

後宮國色天香，乜High.Class都有…夜闌人靜，獨守空房, 總會覺得寂寞覺得凍

自古以來，最純淨嘅資產就係——田、地、女人。

為免人財兩失，獅心王未出兵先落閘，發明咗一件史上最早期嘅資產保護裝置：

高級貞操帶。

貴族之女唔屑用街坊貨，王搵御用鐵匠打造一條**自動反擊型，高防爆力機關版！**如一有外物入侵，即刻【斷根清場, 定必應聲倒地。】。

收妥鎖匙，獅心王就披甲出征, 幾年後重返皇都，一心榮歸解鎖，一開——

機關曾啟、機芯有痕，貌似曾經滄海。

獅心王頭發綠光，臉黑如鐵，呢次Richard 變67, 心頭火起！下令——**全宮男J脫褲稽查！**務求搵出「撬鎖入倉」之賊。誰知唔脫尤可，一脫驚魂。滿朝武士下體盡毀，唯獨一位黑武士——福壽全龜，毫髮無損。

獅心王厚待黑君子，問佢話：「你忠心守道，本王賞你金銀城池，你講啦——你想要乜？」

黑武士紅都面曬，欲言又止, 獅心王誠意拳拳，再問。點知佢唇張難語——原來，佢……斷咗條脷。

其實講真，當年十字軍東征唔止發明咗貞操帶，仲發明咗信託制度。武士出征在外，最驚唔係死，係返到屋企， 後宮失守，地契變名。

於是，佢哋搵教士／教會兄弟做受託人，幫手打理土地、莊園、銀庫、莊園同女人立契為據，寫明：

未歸西，此西徑不得亂闖； 有生之年，完璧歸趙，防女被𡁻 ； 若歸西，由信託人按願執行，唔俾旁人呃蝦條。

你話前人幾潮？ 呢個制度，就係最原始嘅 trust（信託）—— 靠「神職人員」以崇高道德精神約束；靠「契約保命」強制執行所願所想。 你話前人先賢幾in？當年佢哋講一句「我信上帝，交託上帝」，已經做到財產分配、資產隔離、稅務規劃！

其實幾百年前，佢哋就已經玩緊 Web 0.01 嘅 Smart Contract。

多謝閱讀，咸中得道

下集沾霑Sir繼續溝談闊論，溝唱不文。

部份靈感及節錄源自黃霑《不文集》，純屬文化延伸演繹，誠向香江不文教父跪安。