哈囉大家～我係DD，一個喺幣圈浮沉幾年嘅「老韭菜」兼「小土豆」🌱
今日想同大家講返我人生第一次喺Crypto世界入面賺到真正「大錢」嘅故事——一個傳理系學生，點樣靠住三隻NFT熊，拎到人生第一桶金！
📚 廢青大學生，撞正疫情搵食難
時間回到2020年底，我當時讀緊大學四年級，主修傳理系，日拍夜剪、寫稿熬夜，幻想住畢業後可以做記者、創作人，或者入廣告公司打拼。但現實真係好骨感——疫情一爆，畢業幾乎等於失業，個心日日都吊住。
嗰排身邊啲fd搵工搵到灰晒，而我就一邊愁住論文、一邊諗緊點生存落去。搵唔到正職，只可以靠freelance幫人寫稿、整社交媒體，加埋放學踩單車送外賣，儲下啲雞碎咁多嘅生活費。
🧠 無意中接觸NFT世界
就係喺咁嘅日子，身邊有fd開始講Crypto、講NFT。我一開始真係乜都唔識，純粹覺得啲「公仔頭」好搞笑，又見新聞成日報有人靠NFT賺錢，心思思咁上網睇下。
直到2021年12月31號晚，我接觸到一個傳奇NFT項目——由周杰倫加持嘅 PhantaBear（杰倫熊），喺元旦凌晨0點開賣，每隻售價係 0.26 ETH，即係大概美金 $984。對於我呢個靠送外賣養自己嘅學生嚟講，真係唔平，但我睇住個勢咁癲，加上自己成年幾儲咗兩萬港紙左右，心諗：「博一鋪啦，單車變摩托！」
💻 通宵搶熊，All in搏一鋪
我記得當晚去尖沙咀換ETH，第一次開熱錢包、整MetaMask，職員仲手把手教埋我。去到凌晨12點，我成功搶到 三隻杰倫熊，嗰陣真係勁興奮！
買完之後幾日，我幾乎每日都唔使瞓，對住Opensea不停F5睇地板價，仲留意緊啲明星IG——結果，奇蹟出現咗！
🐻 杰倫換頭像，熊仔起飛！
周杰倫換咗PhantaBear做IG頭像，昆凌都換埋，之後成堆台灣明星都post住自己隻「熊孩子」，個市場即刻炒爆！FOMO情緒直線上升，地板價真係 to the moon！🚀
個POST仲係度!!
https://www.instagram.com/p/CYRIw0IPvym/?utm_source=ig_web_copy_link
💰 三隻熊變52萬，人生第一次發達
最後，我三隻熊分別以平均每隻6粒ETH賣出，總共賣咗 18 ETH，當時每粒ETH約值 三萬港紙，即係總收入 約54萬港紙！
扣埋最初買入成本（0.78 ETH）、Gas費（大約0.1 ETH）、去換ETH嗰啲手續費等等，最後袋落袋都有 約52萬港紙。
我嗰刻真係震撼到講唔出聲，第一時間就拎咗啲錢去交 下半年學費，再清晒啲卡數，仲話唔可以對自己咁刻薄——即刻 book咗一個去日本玩七日嘅自由行！
最爽嘅係：玩完返嚟，我銀行戶口仲有成四十萬港紙喺度！🤯
🧠 夢開始的地方
嗰刻我真係有啲飄，覺得幣圈錢好似太易賺，傳統打工唔值一提。日日同班fd吹緊點樣財務自由、點樣去數碼遊牧生活。
但少年啊……你真係太天真啦。運氣唔會永遠都喺你身上。
🧨 敬請期待《高山低谷》第二章！
之後經歷咗NFT退潮、大熊市、FTX爆煲……我又點樣由雲端跌返落凡間？甚至懷疑人生？
下一集，我會話你知。
#DD圈日記 #杰倫熊 #NFT神話 #我的第一桶金 #幣圈新手 #大學生搏一鋪 #Web3入門 #Crypto真實故事 #FOMO人生 #傳理系廢青翻身記 #ETH #Metamask新手篇
